გაკვეთილის გეგმა

გაკვეთილის თემა

შემქმნელები nonaustiashvili577024941 — უკანასკნელი ცვლილება 2011-07-28 18:05

გაკვეთილის თემა	გალაკტიონ ტაბიძე, ,,შერიგება“
სწავლების საფეხური	საშუალო, XI კლასი
საგანი	ქართული ენა და ლიტერატურა
მოსწავლეთა რაოდენობა	12
გაკვეთილის მნიშვნელობა	გაკვეთილი აქტუალურია იმით, რომ მოსწავლეები კიდევ ერთხელ მიეახლონ დიდ გალაკტიონს, ჩაწვდნენ მის პოეზიას, გაიღრმავონ ცოდნა პოეტის ბიოგრაფიასა და შემოქმედებაზე. გაკვეთილი ხელს შეუწყობს, აგრეთვე, მოსწავლეებს სხვადასხვა უნარ- ჩვევების დაუფლებაში, კერძოდ, გამოუმუშავებს კვლევის, წერისა და პრეზენტაციის უნარებს.
გაკვეთილის        მიზანი	ლექსის სათქმელისა და მხატვრული სტრუქტურის გააზრება. საანალიზო და შემოქმედებითი უნარების ჩამოყალიბება–გაღრმავება.
ეროვნული სასწავლო გეგმით განსაზღვრული მოსალოდნელი მისაღწევი შედეგი/ინდიკატორი	ქართული  XI .  მოსწავლე წარმოადგენს საჯარო მოხსენებას (ზეპირი გამოსვლა) კონკრეტული მიზნით კონკრეტული აუდიტორიის წინაშე. შედეგი თვალსაჩინოა, თუ მოსწავლე: წინასწარ მოფიქრებული გეგმის მიხედვით (შესავალი, ძირითადი ნაწილი, დასკვნები) გადმოსცემს სათქმელს. ქართული  XI.  აანალიზებს მხატვრული ნაწარმოების ენობრივ საშუალებებს ფუნქციონირების თვალსაზრისით. შედეგი თვალსაჩინოა, თუ მოსწავლე: მსჯელობს მხატვრული ნაწარმოების სტილის განმსაზღვრელი ენობრივი ფიგურების ფუნქციის შესახებ: ფონოლოგიური ფიგურები, სემანტიკური ფიგურები , სინტაქსური ფიგურები; აკავშირებს ლექსის რიტმულ ფორმას ემოციურ ინტონაციასთან; ხსნის (განმარტავს) მწერლისეულ მეტაფორას; ქართული  XI.  მოსწავლე წერს მხატვრული ნაწარმოების ანალიზს. შედეგი თვალსაჩინოა, თუ მოსწავლე: განსაზღვრავს ნაწარმოების თემას და იდეას; ქართული  XI.  მოსწავლე წერს სხვადასხვა სახის ესეს. შედეგი თვალსაჩინოა, თუ მოსწავლე: წერს ესეს შემოქმედებითი თვითგამოხატვისათვის, განწყობილებების, შთაბეჭდილებების, ემოციების გადმოსაცემად.
წინარე ცოდნა	გალაკტიონ ტაბიძის ბიოგრაფია და რამდენიმე ლექსი, ვალერიან გაფრინდაშვილი, ,,პროვინციალური გაზაფხული“.
საკლასო მენეჯმენტი საგანმანათლებლო რესურსები	ინდივიდუალური, ჯგუფური. ტექნიკური რესურსები: 1 კომპიუტერი მასწავლებლის პრეზენტაციისათვის, პროექტორი, დისკი. მასალები: XI კლასის ქართული ენისა და ლიტერატურის სახელმძღვანელო (ვასაძე, შარაშენიძე), სამუშაო ფურცლები, დაფა, ცარცი, მარკერები.
გაკვეთილის მსვლელობა–თანმიმდევრობა (აქტივობა და დრო)	აქტივობა I – (2 წთ) მასწავლებლის შესავალი საუბარი (გაკვეთილის თემისა და მიზნების გაცნობა). აქტივობა II – (გამოწვევა––2 წთ) მოსწავლეებს ვუსვამ შეკითხვას: რატომ ეშინიათ ადამიანებს სიკვდილის? თქვენ გეშინიათ სიკვდილის? გაიხსენეთ ნაწარმოებები, რომლებშიც საუბარია სიკვდილზე. აქტივობა III  – სამოდელო წერა (5 წთ) ,,რატომ თქვა ვაჟამ: ,,ღმერთმა გიშველოს სიკვდილო...“ აქტივობა IV – (შინაარსის რეალიზება) (10 წთ) ჯგუფებად მუშაობა: ჯგუფებს ვურიგებ დავალებებს: I ჯგუფი_ წაიკითხეთ გალაკტიონ ტაბიძის ლექსი ,,შერიგება“, დასვით კითხვითი და ძახილის ნიშნები (მონიშნეთ გასაგები და გაუგებარი ნიშნები). II ჯგუფი – მონიშნეთ ენობრივი თავისებურებანი: მოძებნეთ მსაზღვრელ –საზღვრული და დააკვირდით. მოძებნეთ ნართანიანი მრავლობითი და დააკვირდით. მოძებნეთ ერთი და იმავე ფუძის საწყისი და მიმღეობა. გამოყავით ლიცენცია, იმსჯელეთ, რატომ დაუშვა პოეტმა ასე. III ჯგუფი – მოძებნეთ მხატვრული ხერხები: ეპითეტები, მეტაფორები, შედარებები. გამოყავით სიმბოლოები,საყრდენი სიტყვები და წაიკითხეთ ლექსი მხატვრულად. აქტივობა V– ჯგუფების ნამუშევრების პრეზენტაცია (9 წთ) აქტივობა VI – მოსწავლე და მასწავლებელი (5 წთ) ვსვამ კითხვას: ,,როგორ გესმით, ,,ტოტებს ქარისას გადაჰყვა მარტი?“ მოსწავლეები პასუხობენ. შემდეგ მოსწავლეები სვამენ კითხვებს. პასუხობს მთელი კლასი. უახლოვდებიან ლექსის მთავარ საზრისს... აქტივობა VII – მასწავლებლის პრეზენტაცია (5 წთ) მოცარტის მუსიკის (,,რეკვიემი“) ფონზე პროექტორით მოსწავლეებს ვუჩვენებ ელექტრონულ პრეზენტაციას  გალაკტიონის შესახებ. აქტივობა VIII (გამთლიანება – 5 წთ) მოვასმენინებ გურამ საღარაძის მიერ წაკითხულ ლექსს. დაწერეთ  ,,რატომ ჰქვია ლექსს ,,შერიგება“? აქტივობა IX – საშინაო დავალება (1 წთ) ,,დაწერეთ ლექსის იდეურ – მხატვრული ანალიზი“. აქტივობა X – მოსწავლეთა შეფასება (1 წთ) ვაფასებ ჯგუფების მუშაობასა და აქტიურ მოსწავლეებს.
შეფასება	მოსწავლეებს ვაფასებ წინასწარ შემუშავებული შეფასების რუბრიკით

მინიშნებები/ტეგები:
გაკვეთილის თემა შერიგება
ენა:
Georgian